Handlingsplan 2010

Handlingsplan for Rusettervernet i Sogn og Fjordane

MÅLSETTING:
Vi skal være ein fylkesdekkande organisasjon av ettervern- og pårørandegrupper. Gruppene skal være til hjelp for menneske med rusproblem og for pårørande som vert råka av andre sin rusbruk. HANDLINGSPLAN FOR 2008 BLIR FØRT VIDARE FOR 2009/2010 MED KOMENTARAR PÅ DET SOM ER GJENNOMFØRT I 2008, OG VIDAREFØRT I 2009.

DELMÅL 1:
Vi skal arbeide for at alle kommunar har tilbod om pårørandegrupper og grupper for tidlegare brukarar.

PLAN FOR ARBEIDET:
For 2009 skal det velgast ut einskildkommunar der vi skal sette inn ekstra arbeid for å få sett i gang grupper. Styret har vedteke at vi skal arbeide med følgjande:

• Kvinnegruppe i Sogndal Dette arbeidet tok til i 2007, og det skal arbeidast vidare i 2008. Det har vore kontakt med sosialkontoret i Sogndal, men arbeidet med oppstart av kvinnegruppe har inntil vidare vorte lagt på vent.
• Kvinnegruppe i Førde. Denne kvinnegruppa er oppstarta og stønad etter retningslinjene er utbetalt til kvinnegruppa.
• Pårørandegruppe i Bremanger. Dette arbeidet er lagt på vent.
• Ettervernsgruppe i Svelgen. Dette arbeidet er lagt på vent.

Dette krev eit tett samarbeid mellom Kommunane, Russpesialistane i dei vaksenpsykiatriske poliklinikkane og styret for Rusettervernet.

Det er fleire grupper som ikkje er aktive per i dag. Enkelte kommunar har aldri hatt eit gruppetilbod. Nokre kommunar er små og ligg slik til, at det er mogeleg å nytte seg av det tilbodet som er i nærleiken. For å spreie tilbodet best mogeleg, må ein sjå kvar det kan late seg gjere å få i gang grupper som kan nyttast av flest mogeleg.

Det skal i tillegg arbeidast med dei gruppene som har liten aktivitet og som slit med rekruttering av gruppemedlemer.

Planen er at vi får god aktivitet i desse gruppene i løpet av 2010.

DELMÅL 2:
Det skal arbeidast for at Rusettervernet vert kjend i alle kommunar i Sogn og Fjordane, og at dei instansar som arbeider med rusproblem og følgjer av desse, skal kjenne til det tilbodet vi har i fylket vårt.

Det er god vekst i Pårørandegruppene. Det er ein god og nyttig måte å arbeide førebyggande på ved å fokusere på pårørande. Dette er i samsvar med statlege føringar.

Det er store avstandar til rusvern-institusjonar frå fylket vårt. Dette gjer at pasientar ikkje kan oppfølgjast i etterkant av ei rusbehandling slik det er tradisjon på elles i landet. Det å knyte seg til ei ettervernsgruppe har synt seg nyttig og godt for desse pasientane (38 års erfaring i Rusettervernet syner dette). Samarbeid med dei rusvern instansar vi har i Fylket er nyttig for desse pasientane.

Vi skal arbeide for at det skal bli informert om det arbeidet som vert gjort i gruppene, og det tilbodet som er ute i kommunane. Dette skal gjerast i samarbeid med kommune, lækjarar, politikarar m. fl. Til dømes ved deltaking og orientering på Rusfagleg Forum, oppsøkande verksemd til aktuelle aktørar innanfor rusomsorga, annonsering i aviser og via internett.

Det å ha studentar i hospitering er nyttig i arbeidet med å gjere kjent det arbeidet Rusettervernet står for.

Gruppenytt vert normalt utgjeve 4 gonger i året.

PROSJEKT NYREKRUTTERING

MÅL:
Nå ut til flest mogelege potensielle brukarar, og til aktuelle samarbeidspartar og bidragsytarar.

TILTAK:

• INFORMASJONSMØTE JANUAR/FEBRUAR 2008.
  Rusettervernet v/ fylkessekretær inviterte til regionsvise samlingar. I kvar region vart desse inviterte: Representant frå psykiatrien, russpesialisten ved DPS, representantar frå Helse og sosialtenesta i kommunane, folkehelsekoordinatorane, KIF, Familiekontoret og Fylkeskommunerepresentant, samt representantar frå den politiske sida.
• Målet var å invitere personar ein meiner er viktige for eit godt samarbeid.
• Få innspel frå aktørane om kva dei treng i ettervernsarbeidet/korleis meiner dei at dei kan nytte oss.
• Målretta informasjon om det Rusettervernet har av tilbod.

  Fyrste møtet vart halde for Nordfjord regionen på Nordfjordeid den 29.jan. 2008 med godt frammøte frå kommunane og spesialisthelsetenestene. I Florø vart det også invitert til informasjonsmøte som var vellukka. For dei andre regionane var det vanskeleg å finne passande datoar. Fylkessekretæren søkte direkte kontakt med kommunane og spesialisthelsetenestene for informasjonssamtaler.

  Av ulike grunnar har ikkje dette tidkrevjande arbeidet vorte fylgt opp i 2009.

  TILTAK:
  Få på plass WEBSIDA til Rusettervernet. Dette ser vi som svært viktig for å nå ut ungdom, og for å vere tilgjengeleg med vår informasjon til offentlege samarbeidspartar og til næringslivet.

  • Bruke media for å spre informasjon om Rusettervernet og gruppene.
  • I nov. 2007 hadde Rusettervernet gruppeleiarkurs, der det mellom anna vart innføring i å møte media.
  • I 2009 har rusettervernet ved styret møtt media fleire gongar. Arbeidet har fått positive verknader, så det vil halde fram i tida framover.

  DELMÅL 3:
  Gruppeleiarane skal få nødvendig støtte i det daglege arbeidet, samt fagleg fornying.

  Det er sett av midlar til kursing av gruppeleiarane.

  I 2007 engasjerte vi Sareptas, for å få heilskap i det kurstilbodet vi ville gje gruppeleiarane (og gruppemedlemer). I 2008 vert det vidare fokus på verkemiddel i arbeidet som leiarar av gruppene, samt inspirasjon til å fortsette eit frivillig arbeid. Det vert eit auka fokus på pårørande. Kurstilbodet gjennom Sareptas har vorte vidareført i 2009.

  For å gje støtte til det frivillige arbeidet, vert det arbeidd med å samle gruppeleiarar og gruppemedlemer til faglege og sosiale samlingar. I 2010 vert det arbeidd med følgjande samlingar utanom Årsmøtet:

  • Gruppeleiarseminar (februar 09)
  • A – Dagane på Leikanger (september 09)
  • Pårørandesamling (august 09)
  • Leiarutviklingsprogram

  MÅL:
  Gruppeleiarane skal bli betre opplærde til å kunne møte samarbeidspartar. Dei skal være trygge i rolla si.

  TILTAK:
  LEIARUTVIKLINGSPROGRAM.

  • Gruppeleiarseminar i februar kvart år.
  • Rusettervernet vil satse på å få gjennomført leiarutviklingsprogram over 3 samlingar i løpet av 2010.
  • RSF ser eit stort behov for å utvikle gode eigenutviklings- og rettleiingsprogram og dette vil vert gjort saman med annan kompetanse, mellom i rusfeltet.
  • Programma vert utvikla hausten 2009 og gjennomført i 2010.

  DELMÅL 4:
  Rusettervernet skal ha eit tilbod til yngre personar.

  Det vart i 2007 sett i gang eit arbeid i Årdal i samarbeid med folkehelsekoordinatoren i kommunen for å starte ei gruppe der. Dette arbeidet vil ein prøve og få vidareført i løpet av 2010.

  Våren 2009 vart det starta ei Ungdomsgruppe i Førde og omegn, og skal vere for unge pårørande. Gruppa kom i stand utifrå behov frå BUP og frå Barnevernstenesta i omliggjande kommunar.

   

  Førde, 28.09.2009

   

  For styret i Rusettervernet

                                           
  Leif Roald Skaar - Leiar